عبده لتعلم الإنجليزية والكمبيوتر
قصيدة كأنك مفيش للشاعر أحمد فؤاد نجم  Untitl15

عبده لتعلم الإنجليزية والكمبيوتر

منتديات عبده الأقصرى للغات (وخاصة الإنجليزى) والكمبيوتر ... وكذلك يهتم المنتدى بشؤون التعليم والمعلمين والطلاب فى جميع المراحل التعليمية المختلفة .
 
الرئيسيةالبوابةبحـثالتسجيلدخول

شارك مرة واحدة واربح من الإنترنت يوميا مدى الحياة
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
بحـث
 
 

نتائج البحث
 
Rechercher بحث متقدم
المواضيع الأخيرة
إعلن معنا



 

أفضل 10 أعضاء في هذا المنتدى
Admin
قصيدة كأنك مفيش للشاعر أحمد فؤاد نجم  I_vote_rcapقصيدة كأنك مفيش للشاعر أحمد فؤاد نجم  I_voting_barقصيدة كأنك مفيش للشاعر أحمد فؤاد نجم  I_vote_lcap 
سندس
قصيدة كأنك مفيش للشاعر أحمد فؤاد نجم  I_vote_rcapقصيدة كأنك مفيش للشاعر أحمد فؤاد نجم  I_voting_barقصيدة كأنك مفيش للشاعر أحمد فؤاد نجم  I_vote_lcap 
مسلم وأفتخر
قصيدة كأنك مفيش للشاعر أحمد فؤاد نجم  I_vote_rcapقصيدة كأنك مفيش للشاعر أحمد فؤاد نجم  I_voting_barقصيدة كأنك مفيش للشاعر أحمد فؤاد نجم  I_vote_lcap 
Hassan
قصيدة كأنك مفيش للشاعر أحمد فؤاد نجم  I_vote_rcapقصيدة كأنك مفيش للشاعر أحمد فؤاد نجم  I_voting_barقصيدة كأنك مفيش للشاعر أحمد فؤاد نجم  I_vote_lcap 
فارس اللغة
قصيدة كأنك مفيش للشاعر أحمد فؤاد نجم  I_vote_rcapقصيدة كأنك مفيش للشاعر أحمد فؤاد نجم  I_voting_barقصيدة كأنك مفيش للشاعر أحمد فؤاد نجم  I_vote_lcap 
khaledangle
قصيدة كأنك مفيش للشاعر أحمد فؤاد نجم  I_vote_rcapقصيدة كأنك مفيش للشاعر أحمد فؤاد نجم  I_voting_barقصيدة كأنك مفيش للشاعر أحمد فؤاد نجم  I_vote_lcap 
أمير الشعراء
قصيدة كأنك مفيش للشاعر أحمد فؤاد نجم  I_vote_rcapقصيدة كأنك مفيش للشاعر أحمد فؤاد نجم  I_voting_barقصيدة كأنك مفيش للشاعر أحمد فؤاد نجم  I_vote_lcap 
ام اياد
قصيدة كأنك مفيش للشاعر أحمد فؤاد نجم  I_vote_rcapقصيدة كأنك مفيش للشاعر أحمد فؤاد نجم  I_voting_barقصيدة كأنك مفيش للشاعر أحمد فؤاد نجم  I_vote_lcap 
علاءالدين خالد
قصيدة كأنك مفيش للشاعر أحمد فؤاد نجم  I_vote_rcapقصيدة كأنك مفيش للشاعر أحمد فؤاد نجم  I_voting_barقصيدة كأنك مفيش للشاعر أحمد فؤاد نجم  I_vote_lcap 
الباحث عن النجاح
قصيدة كأنك مفيش للشاعر أحمد فؤاد نجم  I_vote_rcapقصيدة كأنك مفيش للشاعر أحمد فؤاد نجم  I_voting_barقصيدة كأنك مفيش للشاعر أحمد فؤاد نجم  I_vote_lcap 
خدمات عامة
 
آله حاسبة
عداد الزوار
جميع الحقوق محفوظة لمنتديات عبده الأقصرى حقوق الطبع والنشر©2011 - 2012

شاطر
 

 قصيدة كأنك مفيش للشاعر أحمد فؤاد نجم

اذهب الى الأسفل 
كاتب الموضوعرسالة
أمير الشعراء
عضو مميز
عضو مميز
أمير الشعراء

الدولة : مصر
عدد المساهمات : 6
نقاط : 2565
تاريخ التسجيل : 05/05/2012
العمر : 30
العمل/الترفيه : شاعر

قصيدة كأنك مفيش للشاعر أحمد فؤاد نجم  Empty
مُساهمةموضوع: قصيدة كأنك مفيش للشاعر أحمد فؤاد نجم    قصيدة كأنك مفيش للشاعر أحمد فؤاد نجم  Emptyالأربعاء 18 يوليو 2012, 10:06 pm


برغم إن صورك فـ كل الدواير

وكل المداخل وكل المحاور

ومليا الشوارع على كل حيط ..

مطنش علينا وعامل عبيط ..

كأنك مفيش ..


يا فرحة قلوبنا رئيسنا ظريف ..

فُكهي ..

إبن نكته ودمه خفيف

فـ عهدك سيادتك فَرَشنا الرصيف

وآخر مُنانا الغُموس والرغيف

وكل أمَّا تُخنُق ندوَّر ..

مفيش !!

***

مسيِّب علينا عصابة حبايبك

فضايح وسرقة ونهب بسبايبك

مابين حزب نجلك ... وهانم جلالتك

وجيش الغوازي إللَّي داير يجاملك

وناملك وقاملك .... وحارسك وأمنك

شبعنا مهانه ... شبعنا لطيش ..!

وأنت .. مفيش !!

***

باعونا فـ حضورك ...

ببركة عِبـيدك وغالي وسرورك

باعوا الأراضي .... وكل المصانع

وباعوا البنوك ....

وقدَّام عِنيك .... صوتنا إتـنبح ..

ننادي عليك ..

إلحق يا ريس : ده باعوا الحديد !!

وأنت منشِّف دماغك عنيد !!

.. كأنك مفيش !!

***

دوشتوا دماغنا " بجمال " طلعتك

ومن يومها وإحنا عَبـيد حضرتك

ما تزعلش إني مواطن أبيح

ورافض كلابك فـ شعبك تطيح

فسادهم يا ريِّس واضح .. صريح

قوم بينا صلّح وفتَّش .. وثور

ح نكتب تاريخك ياريِّس بنور

مش تبقى عايش كأنـَّك مفيش !!

***

ورحمة أبوك .. مادام أنت قاعد

عيب لمَّا عُصبة نَـوَر يسحبُوك

م تُقبض عليهم .... م تقطع إيديهم ..

م تعمل عليهم يا ريِّس شاويش

بدل م انت ساكت وقاعد مفيش

***

ياريس علىّ الطلاق تعبانين !!

ياريس علىّ الحرام كفرانين !!

صبرنا سنين ..

سيادتك مسلطن

وشعبك وناسك بتاكل مسرطن

وتشرب مجاري وميت سم هاري ..

ومش دريانين !!

ما تنهض يا ريس تلم الديابه ؟!!

ده شعبك غلابه ....

ومليان طيابه ...

وهوَّ الشفاعة ف يوم الحساب

وهما البطانة الحُثاله الكلاب

ما يملاش عنيهم غير التراب

وليهم ضوافر

وميت ألف ناب

وواقفين لشعبك ورا كل باب

لإمتى ح تسكت وليه الغياب ؟

ده ياما ممالك طواها التراب

حياتنا ياريس تعب فوق عذاب

يا ريس " شريفك " ماهوَّاش شريف !!

" نظيفك " يا ريس ماهوَّاش نظيف !!

وحتى " حبيبك " ماهواش حبـيب !!

وأنا غصب عني ... خلاص إستويت ..

بـ غـُلبي إنحنيت ...

وطلعان عنيا ... وصعبان عليا

بحسبة بسيطة ومن غير خريطه ..

وكونك مفيش .. لقيت متساويش

ومش فارقه أعيش ...

نويت أشتكيك للِّي فوقي وفوقك

وأصلي الفرايض ....عسى يفـُك طُوقـك

قالولي إللي يسجد عدو النظام !!

حاولت أحكي حالي ...!!

قالولي الحكاوي نميمة وحرام !!

فكرت أكتب ..

لقيتكم سيادتك منعتوا الكلام !!

فقررت أحلم ..

هاحلم سيادتك وأفُك اللِّجام

ولو مش هيعجب سيادتك يا فندم

وصِّي العساكر .... تاخُدني أمَّا انام !!

***

حلمت إني شعب ....!

حلمت إني شعب ومصلوب بطولي

على أرض سمرا

ودمي بينـزف ومليان جروح

وفوق صدري جمرة

يميني مربّط على أرض طابا

شمالي ممسمر فـ "أولاد علي"

ورجلي على جزع نخلة فـ "حلايب"

ومرتاح براسي على حِجْر مصر

وشوفتك ياريس ....كأنك ولي ..

كأنك نبي ..

فـ إيدك عصاية وليك معجزات

وشايل صليبي وبتفـُكني ..

وانا فـ جنَّه خضره .. وتحتي جداول ..

ومن فوقي نور ... وريحة بخور ..

همست ف ودانك بآخر وصيّة :

إنسى إللي فاتك ...

هننسى الأسية ... !!

أمانه عليك ..

حُط الوطن جُوَّه نِنِّي عينيك

كرامة عيالنا أمانة ف إيديك

بحق إللي بينّا يا ريِّس وبـينك

وحَق اليَمِين و" ألكتاب " فى يمينك

بحق الشهيد .. إللي رافع جبينك

وجيش إنتصارك فى يوم العبور

وجيل حُر طالع .... وعدته بدور

لملم عيالك ... وجمَّع فـ مالك

وإسحب " جمالك " وسيبنا وغور












قصيدة كأنك مفيش للشاعر أحمد فؤاد نجم  Sigpic161233_1
الرجوع الى أعلى الصفحة اذهب الى الأسفل
 
قصيدة كأنك مفيش للشاعر أحمد فؤاد نجم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عبده لتعلم الإنجليزية والكمبيوتر  :: قسم الشعر والأدب العربى-
انتقل الى: