سندس مشرف
![مشرف مشرف](https://i.servimg.com/u/f46/11/96/44/81/aony10.gif)
![سندس](https://2img.net/u/2613/10/74/63/avatars/11-16.gif)
الدولة : ![مصر مصر](https://i.servimg.com/u/f84/13/64/37/51/egypt10.gif) عدد المساهمات : 66 نقاط : 50305 تاريخ التسجيل : 10/06/2010 العمر : 37
![لو كنتي عروسه تعالي اقولك شويه حاجات Empty](https://2img.net/i/empty.gif) | موضوع: لو كنتي عروسه تعالي اقولك شويه حاجات الأحد 06 مايو 2012, 11:11 pm | |
| السلام عليكم ورحمة الله وبركاته نبدء بسم الله ازيكو ياعروسات ياحلوات جبتلكو بقى شوية ماسكات تحفة ومجرباها كلها ولو انتى عروسة وفاضل على فرحك او خطوبتك اسبوعين او كام يوم تعاااااااااااااالى بصى ياحلوة انتى ممكن تعملى الماسكات دى فى البيت وتروحى الكوافير على قد الماكياج والطرحة بس.. طبعا انتى عارفة لما بتروحى تحجزى فى كوافير بياخد منك الشئ الفلانى ودة كله ليه.. بيقولك الماسك دة بكذا والماسك اللى هنعملهولك بكرة بكذا وكذا طب وليه دة كله اذا كان ممكن انتى تعملى الحاجات دى كلها فى البيت وبخامات طبيعية ومضمونة وكلها حاجات متاحة جدا وتنفع لجميع انواع البشره وتقسمى الماسكات دى على كذا يوم اليوم الاول: طبعا وشك فيه خلايا ميتة وفيه دهون وو و و و و و و و و وحاجااااااات كتير [ندعوك للتسجيل في المنتدى أو التعريف بنفسك لمعاينة هذا الرابط] يبقى عندنا ماسك البخار: ماء مغلى وبتحطيه فى حاجة بلاستيك ودة ضرروووورى وبتحطى عليه ماء ورد ونعناع انتو عارفين طبعا ماء الورد بينضف البشرة والنعناع بينعشها. بتحطى وشك على البخار لمدة 3 دقايق او لغاية لما تستحملى وشك بيعرق هاتى فوطة قطن وحاولى تضغطى على مسام وشك وبالذات المناطق اللى جنب الانف وتحت الدقن لانها اكتر مناطق بيترسب فيها الدهون والبثور السودة وانتى بتضغطى حاولى تخرجى اى رواسب لو كانت سودة او صفرا الماسك التانى وفى نفس اليوم بعد ماوشك بيهدى شوية حطى ياستى طمى مغربى واستنى ينشف وبعدين افركيه واغسلى وشك بماء فاتر. اليوم التانى: اصحى من النوم اعملى مساج لبشرتك بحركة دائرية وانتى بتعملى المساج دة حطى على وشك شوية زيت زيتون وبعدين سبيه نص ساعة واغسلى وشك اليوم التالت: عارفة النشا طبعا بتاعت المهلبية يامهلبية انتى بتجيبى معلقة نشا على معلقة عسل ابيض وليمونة وتقلبيهم على بعض وتحطيهم على وشك الماسك دة بيخلى وشك ناعم ومشدود اليوم الرابع: بتجيبى ليمونة وتعصريها وعليها معلقة سكر ياسكر وتعملى بيه سكراب او صنفرة لوشك وبعدين بتغسلى وشك كويس بماء فاتر طبعا وبعدها تجيبى قطنة عليها ماء ورد وتمسحى بيه بشرتك كلها ياحلوة اليوم الخامس: خميرة بيرة ومعلقتين زبادى ومعلقة عسل حطيهم على بشرتك لغاية لما ينشف الماسك وطبعا زى مانتى متعودة اى ماسك بتحطيه بتفركيه الاول وبعدين تغسلى وشك.. الماسك دة بيخلى وشك ناااااااااعم زى الحرير اليوم السادس: معلقة عسل وصفار بيضه لمدة ربع ساعة على وشك واغسليه وبعد ماتغسليه هاتى ليمونة واعصريها على وشك وسيبيها لغاية لما تنشف وبعدين اغسلى وشك وهاتى قطنة برضه عليها ماء ورد امسحيه بيها بشرتك الحلوة اليوم السابع: دة بقى ماسك لأحلى عروسة وبجد بتلاقى بشرتك مختلفة من اول مرة قومى هاتى معلقة دقيق ومعلقة عسل ومعلقة لبن واخلطيهم مع بعض وحطيه على بشرتك وكالعادة لما بينشف الماسك افركيه على وشك وبعدين اغسليه بعد ماتغسليه هاتى قطنة عليها منقوع بابونج وامسحى بيه وشكل كله حتى المنطقة اللى حوالين عينيكى.
بــــــــــــــــــــــــ س خلااااااااااااااااااااااا ااااص كررى بقى الماسكات دى بالتتابع وهتشوفى احلى النتايج على وشك ياقمر انتى وبالتوفيق ان شاء الله | |
|