Admin   ;
![  ;   ;](https://i.servimg.com/u/f12/14/32/81/86/www_md10.gif)
![Admin](https://2img.net/u/2613/10/74/63/avatars/1-88.jpg)
الدولة : ![مصر مصر](https://i.servimg.com/u/f84/13/64/37/51/egypt10.gif) عدد المساهمات : 642 نقاط : 151958 تاريخ التسجيل : 10/01/2010 العمر : 36 الموقع : http://abdo4esl.weebly.com/ العمل/الترفيه : معلم لغة إنجليزية
![قصيدة أنا عايز اتجوز - كلمات عبدالله الأقصري Empty](https://2img.net/i/empty.gif) | موضوع: قصيدة أنا عايز اتجوز - كلمات عبدالله الأقصري الجمعة 11 نوفمبر 2016, 6:19 pm | |
| بسم الله الرحمن الرحيم أنا عايز اتجوز - كلمات عبدالله الأقصري
![قصيدة أنا عايز اتجوز - كلمات عبدالله الأقصري 00Ayz_Atgawez_S01_Slide](https://2img.net/h/images.shahidlive.com//23-08-2015/480x260/00Ayz_Atgawez_S01_Slide.jpg)
أنا عايز أتجوز ... بص يا عمي أنا عايز بنتك تسكن قلبي وجواه تعيش أنا لفيت الدنيــا بحالهــــا زي حبيبتــي أنا ملاقيش عايز بنتك تبقـــي عروستي غيرها حبيبتي ف قلبي مفيش وأنا من الآخر إنسان دغري ماشي ف حالي ف اللف مليش ولا صاحبت بنات في حياتي ولا خرجت علي الكـــورنيش ولا شربت في يـــــوم سجاير ولا صاحبت صحاب بحشيش ولا خلفــت في يومي معادي قولت أنا جاي وروحت ماجيش ولا ف مـــــرة عملت مشاكل ولا علي قسـم سحبني شاويش أنا يا عمـــــــي إنسان عادي بقــول إلي ف قلبي ولا اخبيش عايز بنتك تبقــى مــــــراتي ع الحلوة و ع المرة نعيش بص يا ابنـــــي انت كويس بس ايـــــه شغلك؟ مقولتليش ولا عرفت تفاصيل عن عيلتك ناوي تقـــــولي ولا ما نويش؟ وماله يا عمي دا كله هقوله ولو حــــابب هعملك فــيش أنا شغــــــال علي باب الله يوم في شغل ويــوم مفيش بــــــس الحمد لله مستورة محدش بيبات من غير عيش وأنا متفائل خــــير مع بنتك هشتغل وهعمل تحـــــويش بس يا عمي أنا عايز ردّك مش عايزهم يقولوا مرضيش أنـــا والله مؤهلـــــي عالي بس وظايف ف بلدنا مفيش بص يــــا ابني أنـــا موافق سواء كان عالي أو معليش بس كمان أنا عندي شروط بعــدها مـــانع عندي مفيش قول يا عمي وهات شروطك بس بالـــراحة عليا وبشويش لازم يا ابني سكن ف مدينة في القرية البت مش هتعيش وخمسين ألــف دول المهـر غــير الشبكة وغــير النيش غــير الشقة تكون كالقصر واسعة وبرحة وفيها كرانيش وبيت النور دا شئ أساسي لازم ينـــور ميطــــــفيش والفـــرح عايزينه ف قاعة وتبقـــى ليلــــة متتنســــيش بـــس يا عمـــي أنا قولتلك كـــل دا .. أنا معـــــاييش هــي ديا يا ولدي شروطي غير كدا روح ومتلزمنيش قلت خلاص أنا مش متجوز يا روحي خلاص متحبيش وانت يا قلبي إيـــاك تتعلق متقولش بحـب متحرجنيش أنا أقعد بكرامتي أحسن لي من غيرها مقدرش أعيش *** انتهى وربنا يصبرنا | |
|